నంద్యాలలో ఈ రాత్రే కీలకమా?

నంద్యాల ఉప ఎన్నిక పోలింగ్ రేపు ప్రారంభం కానుంది. రెండు పార్టీలూ సమఉజ్జీలుగా ఉన్న ఈ ఉప ఎన్నికను ఎలాగైనా కైవసం చేసుకోవాలని రెండు పార్టీలూ పోటీ పడుతున్నాయి. అందుకు ఈ రాత్రే కీలకమంటున్నాయి. రేపు పోలింగ్ కావడంతో ఈ రాత్రికి ఓటర్లను పెద్దయెత్తున ప్రలోభ పెట్టే అవకాశముంది. ఇప్పటికే మహిళలకు ముక్కుపుడకలు, చెవిదుద్దులు బహుమతులుగా ఇస్తున్నారు. నగదుపాటు అదనంగా ఇది నజరానా అన్నమాట. ఓటర్లను మరింత లోబర్చుకునేందుకు ఈ రాత్రి పార్టీ అభ్యర్థులు పోటీ పడతారని భావించిన రెండు ప్రధాన పార్టీలైన టీడీపీ, వైసీపీలు ఈ రాత్రి గడిస్తే చాలనుకుంటున్నాయి.

రాత్రి వేళ గస్తీ దళాలు….

అందుకే రాత్రి వేళ తమ ప్రయివేటు గస్తీ దళాలను నియమించుకున్నాయి. వార్డుల వారీగా గస్తీ దళాలను నియమించకున్నాయి. ఓటర్లకు డబ్బులిస్తున్నట్లు కన్పిస్తే వెంటనే పోలీసులకు సమాచారమిచ్చేందుకు వీరు రెడీగా ఉన్నారు. ఈ గస్తీ దళాలు రాత్రంతా జాగారం చేసి ఒక పార్టీపై మరొక పార్టీ కన్నేసి ఉంచింది. నంద్యాల ఉప ఎన్నికలో ఓటరు నాడి ఎటూ తేలకపోవడంతో పార్టీలు ప్రతి ఓటునూ కీలకంగానే భావిస్తున్నాయి. అందుకోసమే ఈ రాత్రే తమకు కీలకమంటున్నాయి రెండు పార్టీలు. మొత్తం మీద రాత్రి గడిచి రేపు పోలింగ్ ప్రారంభమయ్యే వరకూ రెండు పార్టీల్లో టెన్షన్ తప్పేట్లు లేదు. రెండు పార్టీల ప్రయివేటు సైన్యం నంద్యాలను పహారా కాస్తోంది.

Be the first to comment

Leave a Reply

Your email address will not be published.


*


UA-88807511-1