రంగంలోకి దిగిన RRR బ్యాచ్

Ramcharan NTR Rajamouli cinema shooting started

రాజమౌళి – రామారావు – రామ్ చరణ్ ల మల్టీస్టారర్ ఆఫీషియల్ గా నవంబర్ 11 నే మొదలైంది. భారీ అంచనాలున్న ఈచిత్రం తాజాగా రెగ్యులర్ షూటింగ్ ని కూడా మొదలు పెట్టేసుకుంది. ఎన్టీఆర్, రామ్ చరణ్ రాజమౌళి ఒకే ఫ్రెమ్ లో చూడడానికే రెండు కళ్ళు చాలవు.. అలాంటిది వారు ముగ్గురు ఒకే సినిమా కోసం పనిచెయ్యడం అంటే టాలీవుడ్ సినీప్రియులకు పండగే. మరి రాజమౌళి ఎలాంటి కథతో చరణ్ అండ్ ఎన్టీఆర్ లను కనెక్ట్ చేసాడో క్లారిటీ రావడం లేదు గాని.. ఇద్దరు హీరోలను ఎలా చూపించాలో రాజమౌళి అలా చూపించడం ఖాయంగా తెలుస్తుంది. రాజమౌళి డైరెక్షన్ లో ఉన్న సత్తా… ఎన్టీఆర్, రామ్ చరణ్ క్రేజ్ ఈ భారీ మల్టీస్టారర్ పై భారీ అంచనాలు ఏర్పడేలా చేసింది.

అయితే ఇప్పటివరకు రాజమౌళి హీరోయిన్స్ విషయంలో ఎటువంటి క్లారిటీ ఇవ్వడం లేదు. ఎందుకంటే మొదటి షెడ్యూల్ లో హీరోలతో భారీ యాక్షన్ సీక్వెన్సెస్ ని చిత్రీకరిస్తాడట. అందుకే హీరోయిన్స్ ఎంపిక కి కాస్త సమయం తీసుకున్నాడు. తాజాగా ఆ ఇద్దరు స్టార్ హీరోలు ఎన్టీఆర్, చరణ్ లతో రాజమౌళి RRR షూటింగ్ మొదలు పెట్టేసాడు. ముగ్గురూ కలిసి సైలెంట్ గా సెట్స్ మీదకెళ్లడమే కాదు… ముగ్గురు కలిసి ఒక స్టిల్ కి ఫోజ్ కూడా ఇచ్చారు. ఇద్దరు హీరోల తో రాజమౌళి ఉన్న ఆ RRR వర్కింగ్ స్టిల్ క్షణాల్లో సోషల్ మీడియాలో వైరల్ అయ్యింది. మరి రాజమౌళి ఈ సినిమాని ఎన్ని భాషల్లో విడుదల చేస్తాడో గాని.. అన్ని భాషల బడా నిర్మాణ సంస్థలు అప్పుడే ఈ RRR పై కన్నేసినట్లుగా తెలుస్తుంది.

మరి అనుకున్న టైం కె రంగంలోకి దిగిన ఈ RRR బ్యాచ్ అనుకున్న టైం కే సినిమాని ప్రేక్షకుల ముందుకు తెచ్చేలాగే కనబడుతుంది. ఇకపోతే రాజమౌళి ఈ సినిమా కోసం ఎన్టీఆర్ ని కండలు తిరిగిన వీరుడిగా చూపించబోతుంటే.. రామ్ చరణ్ ని మాత్రం న్యూ లుక్ లోకి తేబోతున్నాడు. ఇప్పటికే ఎన్టీఆర్ కి రామ్ చరణ్ కి సపరేట్ గా ట్రైనర్లు ని కూడా దింపిన రాజమౌళి RRR కోసం ఇద్దరి హీరోల రూపురేఖలను మార్చెయ్యబోతున్నాడు. అయితే తాజాగా రాజమౌళి RRR రెగ్యులర్ షూటింగ్ మొదలైన సందర్భంగా దిగిన పిక్ లో చరణ్ అండ్ ఎన్టీఆర్ ల లుక్స్ లో గెడ్డం తప్ప పెద్దగా కొత్తదనం అయితే కనిపించడం లేదు. ఆ ఫొటోలో ఎన్టీఆర్ అండ్ చరణ్ లు రాజమౌళి మీద చేయి వేసి కూర్చోగా వెనకాల RRR షూటింగ్ కోసం భారీ ఎత్తున రంగంలోకి దిగడం కోసం పెద్ద పెద్ద క్రేన్స్ కనబడుతున్నాయి. మరి RRR బ్యాచ్ యుద్దానికి సిద్దమైందన్నమాట.

Be the first to comment

Leave a Reply

Your email address will not be published.


*