రెడ్డి గారి అల్లుడు మాములోడు కాదండోయ్..!

naga chaitanya in army officer role

ఈ ఏడాది నాగ చైతన్య సినిమాలకు సంబంధించిన అప్ డేట్స్ ఏమీ ఇంతవరకు అక్కినేని అభిమానులకు కిక్ ఇవ్వలేదు. సవ్యసాచి ఫస్ట్ లుక్ తో మాస్ గా కనబడిన నాగ చైతన్య ఇప్పుడు క్లాసీ గా సూపర్ లుక్ తో అక్కినేని అభిమానులనే కాదు సాధారణ ప్రేక్షకులను కూడా ఫిదా చేసేసాడు. మారుతీ దర్శకత్వంలో అను ఇమ్మాన్యువల్ తో రొమాన్స్ చేస్తున్న నాగ చైతన్య శైలజారెడ్డి అల్లుడు గా ప్రేక్షకులను పలకరించడానికి రేడి అవుతున్నాడు. శివగామి పాత్రలో విశ్వరూపం చూపించిన రమ్యకృష్ణ ఈ సినిమా లో నాగ చైతన్య కి పొగరున్న అత్తగా శైలజ రెడ్డి పాత్రలో నటిస్తుంది. సోమవారం ఉదయం శైలజ రెడ్డి లుక్ ని మూవీ యూనిట్ విడుదల చేసింది.

అలరిస్తున్న ఫస్ట్ లుక్

మరి శైలజ రెడ్డి అల్లుడు సినిమా ఫస్ట్ లుక్ లో రమ్యకృష్ణ పవర్ ఫుల్ అత్తగా… కుర్చీలో కూర్చుని సీరియస్ లుక్ తో చైతు, అను ఇమ్మాన్యువల్ ని చూస్తుంటే… అల్లుడు నాగ చైతన్య మాత్రం అత్తగారి లుక్ కి ఏ మాత్రం భయపడకుండా ఆమె కూతురు అను ఇమ్మాన్యువల్ ని రొమాంటిక్ గా హాగ్ చేసుకుని స్టైలిష్ స్మైల్ తో అదరగొడుతున్నాడు. అలాగే శైలజ రెడ్డి అల్లుడు మూవీ ఫస్ట్ లుక్ లో మరో లుక్ నాగ చైతన్య మొన్నామధ్యన సోషల్ మీడియాలో హల్చల్ చేసిన లుక్కే. ఆ లుక్ లో నాగ చైతన్య ఫార్మల్ వెర్ లో టక్ చేసుకుని క్లాస్ లుక్ లో చంపేస్తున్నాడు. మరి అదే లుక్ ని గతంలో యూనిట్ సభ్యులెవరో ఇంటర్నెట్ లో లీక్ చేసి ఉండవచ్చు. అయినప్పటికీ చైతు ఈ క్లాస్ లుక్ మాత్రం అదుర్స్.

కొత్తదనం ఉంటుందా..?

మారుతీ ఈ సినిమాని రొటీన్ భిన్నంగా తెరకెక్కిస్తున్నాని చెబుతున్నాడు. మరి ఎంతవరకు కొత్తదనాన్ని ఈ సినిమాలో మారుతీ చూపిస్తాడో చూడాలి. గోపి సుందర్ మ్యూజిక్ అందిస్తున్న ఈ సినిమా ఆగష్టు నెలాఖరున విడుదల కాబోతుంది. అయితే ఈ సినిమాపై నాగ చైతన్య మాత్రం ఫుల్ కాన్ఫిడెన్స్ తో ఉన్నాడనేది మూవీ యూనిట్ మాట.

Sandeep
About Sandeep 5051 Articles
Sandeep Reddy started his work in journalism at the age of 19 as a local reporter in leading telugu news paper. Later he worked as staff reporter. He has 9 years of experience in print and social media.

Be the first to comment

Leave a Reply

Your email address will not be published.


*