శ్రీనివాస క‌ళ్యాణానికి పెద్దొడు, చిన్నోడి స‌హ‌కారం

విజ‌య‌వంత‌మైన చిత్రాల నిర్మాణ సంస్థ శ్రీ వెంక‌టేశ్వ‌ర సినీ క్రియేష‌న్స్ బ్యాన‌ర్‌పై రూపొందిన మ‌ల్టీస్టార‌ర్‌ `సీత‌మ్మ వాకిట్లో సిరిమ‌ల్లె చెట్టు` సినిమాలో పెద్దోడుగా విక్ట‌రీ వెంక‌టేశ్‌, చిన్నోడుగా సూప‌ర్‌స్టార్ మ‌హేశ్ సంద‌డి చేసిన సంగ‌తి తెలిసిందే. ఈ సినిమా సూప‌ర్ డూప‌ర్ హిట్ అయింది. అప్ప‌టి నుండి ఈ సంస్థ‌తో ఇద్ద‌రి ప్ర‌త్యేక అనుబంధం కొన‌సాగుతుంది. ఈ ఏడాది ఇదే బ్యాన‌ర్‌లో పెద్దోడు విక్ట‌రీ వెంక‌టేశ్ `ఎఫ్ 2`లో నటిస్తుండ‌గా.. చిన్నోడు సూప‌ర్‌స్టార్ మ‌హేశ్ త‌న 25వ సినిమా చేస్తున్నారు. అదే అనుబంధంతో ఈ బ్యాన‌ర్‌లో తెర‌కెక్కిన ఫ్యామిలీ ఎంట‌ర్‌టైన‌ర్ `శ్రీనివాస కళ్యాణం`కు త‌మ స‌పోర్ట్‌ను అందించారు. ఈ చిత్రం కోసం వెంక‌టేశ్ త‌న వాయిస్ ఓవ‌ర్‌ను ఇవ్వ‌గా.. మ‌హేశ్ ఈ చిత్ర ట్రైల‌ర్‌ను విడుద‌ల చేశారు. ఈ ట్రైల‌ర్‌కు ట్రెమెండెస్ రెస్పాన్స్ వ‌స్తుంది. ఇప్ప‌టికే 3 మిలియ‌న్ వ్యూస్ మార్క్‌ను దాటింది. ఈ అగ్ర క‌థానాయ‌కులిద్ద‌రూ చేసిన స‌పోర్ట్ కు `శ్రీనివాస క‌ళ్యాణం` యూనిట్ వారికి కృత‌జ్ఞ‌త‌లు తెలియ‌జేసింది. నితిన్‌, రాశీ ఖ‌న్నా, నందితా శ్వేత తారాగ‌ణంగా స‌తీశ్ వేగేశ్న ద‌ర్శ‌క‌త్వంలో తెర‌కెక్కిన `శ్రీనివాస క‌ళ్యాణం` ఆగ‌స్ట్ 9న ప్ర‌పంచ వ్యాప్తంగా భారీ విడుద‌ల‌కు సిద్ధ‌మ‌వుతుంది.

 

Be the first to comment

Leave a Reply

Your email address will not be published.


*


UA-88807511-1