బిన్నీ రాజీనామాకు కారణమేంటి..?

ఈ కామర్స్ దిగ్గజ సంస్థ ఫ్లిప్ కార్ట్ కి సీఈఓ పదవికి సంస్థ సహ వ్యవస్థాపకుడు బిన్నీ బన్సల్ రాజీనామా చేశారు. అమెజాన్ లో పనిచేసిన సచిన్ బన్సల్, బిన్నీ బన్సల్ కలిసి 2007లో ఫ్లిప్ కార్ట్ ను ప్రారంభించారు. ఈ సంస్థను వాల్ మార్ట్ ఈ సంవత్సరం మేలో కొనుగోలు చేసింది. సచిన్ బన్సల్ పూర్తిగా వాటాను విక్రయించి సంస్థ నుంచి తప్పుకోగా బిన్నీ మాత్రం 77 శాతం వాటా విక్రయించి సంస్థ సీఈఓగా కొనసాగుతున్నారు. అయితే, ‘తీవ్రమైన వ్యక్తిగత దుష్ప్రవర్తన’ ఆరోపణలు ఎదుర్కొన్న ఆయనపై వాల్ మార్ట్ ఓ న్యాయవాద సంస్థతో విచారణ జరిపించింది.

ఆధారాలు లేవన్నా…..

బిన్నీతప్పు చేసినట్లుగా ఎటువంటి ఆదారాలు లేవని ఆ సంస్థ విచారణలో తేలింది. అయినా కూడా బిన్నీ రాజీనామా చేశారు. బిన్నీపై గతంలో ఫ్లిప్ కార్ట్ లో పనిచేసిన ఓ ఉద్యోగిని తనను శారీరకంగా వేదించాడని ఆరోపణలు చేసింది. అయితే, ఈ ఆరోపణలు రుజువయ్యే ఆదారాలు లేకున్నా బిన్నీ రాజీనామా చేయడం గమనార్హం. బిన్నీ రాజీనామాను వాల్ మార్ట్ ఆమోదించింది. ఇక నుంచి సంస్థ వాటాదారుడిగా, బోర్డు సభ్యుడిగా కొనసాగుతానని బిన్నీ ప్రకటించారు.

Sandeep
About Sandeep 6656 Articles
Sandeep Reddy started his work in journalism at the age of 19 as a local reporter in leading telugu news paper. Later he worked as staff reporter. He has 9 years of experience in print and social media.

Be the first to comment

Leave a Reply

Your email address will not be published.


*