ఈ రకంగా బాహుబలిని తన్నేసింది..!

2.o world wide collections

ఇండియా వైడ్ గా ఇప్పుడు ఎక్కడ చూసినా రోబో 2.ఓ సినిమా ఫీవర్ తో ఉన్నారు సినీ ప్రియులు. రేపు వరల్డ్ వైడ్ గా విడుదల కాబోతున్న 2.ఓ సినిమా మీద భారీ అంచనాలే ఉన్నాయి. ఇక సోషల్ మీడియాలో రాజమౌళి తెరకెక్కించిన బాహుబలితో 2.ఓ సినిమాని పోలుస్తూ అనేక రకాల వార్తలు గత రెండు నెలలుగా వస్తూనే ఉన్నాయి. బాహుబలిని తలదన్నే హిట్ అవుతుందని రజనీకాంత్ అభిమానులు అంటుంటే… బాహుబలి మీద ఒక్క రూపాయి లాభమొస్తేనే 2.ఓ హిట్ అంటున్నారు కొందరు. యావరేజ్ హిట్ కాదు, సూపర్ హిట్ కాదు బాహుబలి కలెక్షన్స్ ని 2.ఓ క్రాస్ చేస్తేనే 2.ఓ సూపర్ హిట్ అంటున్నారు.

ఎక్కువ థియేటర్లలో విడుదలవుతున్న…

మరి బాహుబలిని కలెక్షన్స్ విషయంలో క్రాస్ చేస్తుందో లేదో తెలియదు కానీ… ప్రస్తుతం బాహుబలిని ఒక విషయంలో 2.ఓ క్రాస్ చేసేసింది. ఇప్పటివరకు బాహుబలి ఆ విషయంలో ఏ సినిమా క్రాస్ చెయ్యలేకపోయింది కానీ.. ఇప్పుడు 2.ఓ మాత్రం క్రాస్ చేసేసింది. ఎందులో అంటే.. వరల్డ్ వైడ్ గా 7 వేలకు పైగా స్క్రీన్స్ లో ఒకేసారి బాహుబలి సినిమా విడుదలైంది. ఇప్పుడా రికార్డుని 2.ఓ క్రాస్ చేసేసింది. 2.ఓ వరల్డ్ వైడ్ గా అత్యధిక తెరలపై విడుదలవుతున్న ఇండియన్ మూవీగా రికార్డు సృష్టించబోతోంది. ఈ సినిమా విడుదలకు ఇంకా 24 గంటలు టైం ఉందనగా… ఇప్పటికే ఈ సినిమాకు ప్రపంచవ్యాప్తంగా 10వేల 500 స్క్రీన్స్ లాక్ అయ్యాయి. అలాగే ఈ 24 గంటల్లో ఈ థియేటర్స్ మరో 300 వరకు పెరిగే అవకాశాలు ఉన్నాయంటున్నారు.

మొదటి రోజు భారీ ఓపెనింగ్స్ ఖాయం

మరి సూపర్ స్టార్ రజనీ – శంకర్ ఇద్దరు కలిసి చెయ్యబోయే మ్యాజిక్ కోసం ప్రజలు వేచి చూస్తున్నారు. మరి ఇలా అధిక థియేటర్స్ లో సినిమాని విడుదల చేసి మొదటి రోజే భారీ ఓపెనింగ్స్ తో పెట్టిన పెట్టుబడిలో సగం వెనక్కి తేవాలనే యోచనలో 2.ఓ నిర్మాతలున్నట్టుగా కనబడుతుంది. మరి అత్యధిక థియేటర్స్ లో విడుదలవుతూ రికార్డులను సొంతం చేసుకున్న 2.ఓ సినిమా హిట్ టాక్ తో బాహుబలి కలెక్షన్స్ రికార్డులను కూడా తుడిచేస్తుందనే ధీమాలో రజనీ అభిమానులున్నారు. చూద్దాం.. రేపు ఈపాటికి బాహుబలిని 2.ఓ తొక్కుతుందా.. లేదంటే…. 2.ఓ ని బాహుబలే తొక్కుతుందా అనేది.

Sandeep
About Sandeep 6914 Articles
Sandeep Reddy started his work in journalism at the age of 19 as a local reporter in leading telugu news paper. Later he worked as staff reporter. He has 9 years of experience in print and social media.

Be the first to comment

Leave a Reply

Your email address will not be published.


*