రకుల్ కాదంటే.. పూజని పట్టుకొస్తారా..?

పూజా హెగ్డే

రామ్ చరణ్ – బోయపాటి సినిమా టైటిల్ విషయంలో ఎడతెగని ఉత్కంఠ ఇంకా కొనసాగుతూనే ఉంది. వినయ విధేయ రామ అంటూ ఒక టైటిల్ చక్కర్లు కొడుతోంది. కానీ చరణ్ బోయపాటిల బృందం మాత్రం కన్ఫర్మ్ చెయ్యడం లేదు. ఇక రామ్ చరణ్ టైటిల్, లుక్ విషయంలో చిరు పుట్టిన రోజు, వినాయకచవితి, దసరా వెళ్లిపోయి దీపావళి వచ్చేస్తుంది. దీపావళికి చరణ్ లుక్, టైటిల్ అంటున్నారు… కానీ బోయపాటి బృందం నుండి అధికారిక ప్రకటన రావడం లేదు. ఇక టైటిల్ విషయంలో ఎడతెగని సస్పెన్స్ ఉంటే ఇప్పుడు రామ్ చరణ్ సినిమాలో ఐటెం భామ విషయంలో కూడా ఇలానే చర్చ ఒకటి ఫిలిం సర్కిల్స్ లో బయలు దేరింది.

బడ్జెట్ మించిపోవడంతో…

బోయపాటి సినిమాలో ఐటెం సాంగ్ స్పెషల్ ఏమిటో తెలుసు. అలాగే దేవిశ్రీ మ్యూజిక్ ఆల్బమ్ లో ఐటెం స్పెషల్ తెలిసిందే. మరి బోయపాటి – దేవిశ్రీ కూడా రామ్ చరణ్ కోసం ఒక అదిరిపోయే ఐటెం ని సిద్ధం చేస్తున్నారు.. కానీ ఐటెం లో ఆడిపాడే భామ కోసం మాత్రం బోలెడంత సెర్చింగ్ జరుగుతుంది. ముందుగా బాలీవుడ్ భామని ఎవరో ఒకరిని ఈ ఐటెం కోసం తీసుకొద్దామనుకుంటే.. ఇప్పటికే ఈ సినిమా బడ్జెట్ పరిమితిని దాటిపోవడంతో.. ఐటెం కోసం బాలీవుడ్ హీరోయిన్ ను తెచ్చే పరిస్థితి కనబడటం లేదంటున్నారు. ముందు అసలు శ్రద్ద కపూర్ ని రామ్ చరణ్ కోసం దింపాలనుకుని డ్రాప్ అయ్యారు.

రకుల్ కాదనడంతో పూజ.?

ఇక బాలీవుడ్ హీరోయిన్స్ ని పక్కన పెట్టేసి బోయపాటి బృందం ముందుగా రకుల్ ప్రీత్ ని చరణ్ కోసం ఐటెం చేయమని సంప్రదించగా.. రకుల్ బిజీ షెడ్యూల్ వలన కుదరదని చెప్పిందట. మరి సినిమాలు లేక ఖాళీగా ఉన్న రకుల్ ఇలా చెప్పడం విడ్డూరంగానే అనిపిస్తుంది. కాకపోతే ఐటెం సాంగ్స్ చేస్తే ఇక హీరోయిన్ అవకాశాలు రావని భయపడుతుందేమో.. ఇక రకుల్ కాదంటే.. ప్రస్తుతం టాప్ మోస్ట్ హీరోయిన్ రేంజ్ లో ఉన్న పూజని ఏమన్నా తీసుకొస్తారేమో చూడాలి. ఇప్పటికే పూజ హెగ్డే రంగస్థలంలో జిగేలు రాణి కోసం ఊర మాస్ స్టెప్స్ తో అదరగొట్టింది. అలాగే తాజాగా స్టార్ హీరోల సినిమాల్లో హీరోయిన్ గా నటిస్తూ బిజీ తార అయ్యింది. ఇలాంటి సమయంలో చరణ్ తో ఐటెంకి పూజ ఒప్పుకుంటుందో లేదో చూడాలి.

Sandeep
About Sandeep 6914 Articles
Sandeep Reddy started his work in journalism at the age of 19 as a local reporter in leading telugu news paper. Later he worked as staff reporter. He has 9 years of experience in print and social media.

Be the first to comment

Leave a Reply

Your email address will not be published.


*