రాజమౌళి కి అడ్డంగా బుక్ అవుతున్నారా?

rajamouli sent karthikeya to convince bollywood star

రాజమౌళి డైరెక్షన్ లో రామ్ చరణ్, జూనియర్ ఎన్టీఆర్ అంటేనే అందరిలో ప్రత్యేక ఆసక్తిని రేకెత్తించింది. రాజమౌళి చేతిలో స్టార్ హీరోలు. మరి బాహుబలి లాంటి కళా ఖండాన్ని తెరకెక్కించిన రాజమౌళి డైరెక్షన్ లో సినిమా అంటేనే చెవి కోసేసుకుంటారు. మరి రాజమౌళి డైరెక్షన్ లో ఇద్దరు స్టార్ హీరోలంటే పరిస్థితి ఇంకెలా ఉంటుందో గత మూడు నెలలుగా చూస్తూనే ఉన్నాం. అయితే రాజమౌళి సినిమా మొదలయ్యేది మాత్రం అక్టోబర్ లోనే. కానీ ఇప్పటినుండే రాజమౌళి మల్టీస్టారర్ పై బోలెడన్ని వార్తలు సోషల్ మీడియాలో హల్చల్ చేస్తున్నాయి. ప్రస్తుతం RRR ల మధ్యన కథ చర్చలు కూడా పూర్తి కాలేదు. ఈ విషయాన్నీ ఎన్టీఆర్, చరణ్ లు స్వయంగా చెప్పారు.

రెస్ట్ కూడా తీసుకొనివ్వడం లేదుగా…

అయితే రంగస్థలం హిట్ తో కొద్దిపాటి రెస్ట్ తీసుకున్న రామ్ చరణ్ ప్రస్తుతం బోయపాటి దర్శకత్వంలో #RC12 లో నటిస్తున్నాడు. ఇప్పటికే సినిమా షూటింగ్ లో పాల్గొంటూ జిమ్ లో బాడీ ని తగ్గిస్తూ వర్క్ అవుట్స్ చేస్తున్నాడు. ఇక బోయపాటి తో కలిసి బ్యాంకాక్ వెళ్లిన రామ్ చరణ్ అక్కడి షెడ్యూల్ ని పూర్తి చేసుకుని హైదరాబాద్ కి వచ్చెయ్యనున్నాడు. విరామమే లేకుండా సాగిన బ్యాంకాక్ షూటింగ్ వలన అలిసిపోయిన రామ్ చరణ్ కొద్దిగా రెస్ట్ తీసుకుంటాడట. అయితే ఈ రెస్ట్ సమయంలో రాజమౌళి తన పని కానిచ్చేయాలని చూస్తున్నాడట. రామ్ చరణ్ రెస్ట్ తీసుకునే సమయంలో తన కథా చర్చలు ఫినిష్ చేయాలని అనుకుంటున్నట్లుగా వార్తలొస్తున్నాయి.

ఇద్దరినీ బుక్ చేస్తున్న రాజమౌళీ…

ఇక ఎలాగూ త్రివిక్రమ్ సినిమాతో ఎన్టీఆర్ హైదరాబాద్ పరిసర ప్రాంతాల్లోనే ఉంటాడు. అందుకే ఎన్టీఆర్, చరణ్ లతో కలిసి స్టోరీ సిట్టింగ్స్ కి రాజమౌళి ప్లాన్ చేస్తున్నాడట. మరి చరణ్ ని విశ్రాంతి తీసుకోనివ్వకుండా ఎన్టీఆర్ ని సాఫీగా షూటింగ్ చేసుకోనీయకుండా రాజమౌళి తన సినిమా కోసం చరణ్, ఎన్టీఆర్ లను అడ్డంగా బుక్ చేస్తున్నాడుగా అంటూ ఎన్టీఆర్, చరణ్ అభిమానులు కామెంట్స్ చేస్తున్నారట. ఇక ఎన్టీఆర్ – పూజ హెగ్డేలు – త్రివిక్రమ్ అరవింద సమేత తో బిజీగా ఉంటే చరణ్ – బోయపాటి – కియారా అద్వానీ లు #RC12 తో బిజీగా ఉన్నారు. చూద్దాం రాజమౌళితో చరణ్ అండ్ ఎన్టీఆర్ ల #RRR స్టోరీ సిట్టింగ్ ఎలా ఉండబోతుందో అనేది.

Sandeep
About Sandeep 6914 Articles
Sandeep Reddy started his work in journalism at the age of 19 as a local reporter in leading telugu news paper. Later he worked as staff reporter. He has 9 years of experience in print and social media.

Be the first to comment

Leave a Reply

Your email address will not be published.


*